ليه بنت ادم نفسها رخيصة

::ازيكوا ياجماعه ايه الاخبار والله انا لسه اول مره اشارك في المنتدي الجميل ده وكنت عايزه اخد مشاركتكم معايا في موضوع كتير اوي اليومين دول كتير اوي البنات بيتنازلوا عن كرامتهم وميعرفوش حاجه عنها ودايما بيتنازلوا عن حقوقهم الشرعيه او يقدموا تضحيات غريبه من غير مقابل بحجه الحب والعواطف والمشاعرفي بنات كتير اوي عايشين علي مبدا مفيش كرامه في الحب.......لكن المقوله دي غلط الكرامه مش بتتجزأ لو تلاحظوا ان الرجل عمره ماقال الكلمه دي علي نفسه لو قالها بيقولهالك عشان انتي اللي تعملي بيها مش هو.......او لو حبينا نعدلها شويه هنقول ان الحب تضحيات متبادله مابين طرفين غير كده لالالالا

ليه يكون عندي كرامه : عشان انتي جوهره الماظ كمان ..مش معقول بعد الشعارات اللي بنرفعها ان البنت جوهره وغاليه ومينفعش تكون غير للي يقدرها
الجوهره دي تبقى برخص التراب ومش عارفه قيمة نفسها بعد ما يخدها نصيبها ...مش فاهمه يعني انتي غاليه قبل الجواز وبعد الجواز خاتم فلصو !!!

ليه يكون عندي كرامه: لانو ببساطه انتي اللي بتحددي قيمة نفسك وبتجبري الناس تحترمك وبالطريقه اللي عاوزاها .. انما لو تهاونتي في حق نفسك فشكرا
تعالي قابليني لو حد جبلك حقك


ليه يكون عندي كرامه: لانك بتقعدي تعيطي وتخربي الدنيا والحقوني خطيبي بيقولي وبيعمل فيا وجوزي مش طايقني وبيضربني وبيشتمني باهلي !!!! ولو قلنا خدي موقف تصوت لا مقدرش انا بحبو و خايفه يزعل !!!! طيب وجعتي دماغي من الاول ليه !!!


ليه يكون عندي كرامه : لانك لو مش عامله حساب لنفسك ولكرامتك فيا ستي اعملي حساب لكرامة اهلك اللي قعدو 20 سنه يربو فيكي وداقو المر عشان يحفظو كرامتك وانتي بكل ببساطه تهدي اللي عملوه وتضيعي هيبتهم

ليه يكون عندي كرامه: لان الزمن غير الزمن وفي رجاله كتيييييير مبيخدوش من الرجوله شيئ غير كلمة (ذكر ) في البطاقه الشخصيه بس وعشان كدا مينفعش تعامليه على انو سي السيد !!!

ليه يكون عندي كرامه : لانو ببساطه اي حد بيقدر اللي قدامو من خلال تقديرو لنفسو ...الراجل لو لقى انك تحت رجليه هيعاملك كانك جزمه ولو لقى انك بتقدري نفسك وبتحترميها وفوق راسو هيعاملك كانك تاج ملكي تعب اوي عشان يقدر ياخدو


ليه يكون عندي كرامه: لان مع اختلاف الرجال في كل مكان الا انهم اتفقو في حاجه انهم بيحبو المراة الذكيه بكل المقاييس اللي تعرف تصدهم مره وتراضيهم مره اما المراه المنصاعه الغبيه فدي مش بتدي اي فضول للراجل انو يعرف او يتوقع ايه ردة فعلها وايه اللي ممكن تعملو لانو ببساطه عارف انتي هتعملي ايه!


ليه يكون عندي كرامه : لان وجع القلب مقدور عليه ولو انتي مظلومه ربنا هيجبلك حقك مهما طال الزمن .. اما احساسك انك قليله ومكسوره فدا الاصعب بكتير

ليه يكون عندي كرامه: لانك مع الزمن مش هيكون عندك ثقه في نفسك وانتي اللي هتعاملي نفسك باحتقار وبقل ما تستحقي




تقريبا دي معظم الاسباب اللي تخليكي تحافظي على كرامتك ..
يارب يكون موضوعي عجبكم والاقي مشاركه عليه

شكرا الك على الموضوع المميز

بس اكيد بنت ادم نفسها قوية


الى الابد

حلو يا حلوة مشكووووووووووووورة

بارك الله فيك